Само 30-тина верници со заштитни капи присуствуваа на мисата во катедралата Нотр Дам во Париз на саботната прва служба по пожарот кој уништи дел од импозантното средновековно издание.
Свештениците сакаа да покажат дека животот продолжува понатаму во катедралата додека донациите за нејзината обнова заглавија. Досега се исплатени девет отсто од ветените 850 милиони евра донации од милијардери, бизнис лидери и други, соопшти француската влада.
Мисата беше одржана во страничната капела, која беше недопрена од оганот на 15 април годинава. Присуството беше ограничено на околу 30 лица кои носеа шлемови. Свештениците во церемонијална бела облека не се разделија од зашитните капи за време на службата, не и надбискупот Мишел Опети кој рече дека водењето на мисата со кацига на глава е бизарна работа.
Мисата беше пренесувана во живо на католичката телевизија КТО.
Во петокот францускиот министер за култура, Франк Ристер, рече дека катедралата се уште е во кревка состојба, особено во сводот. Во пожарот кој избувна во 850-години старата катедрала уништен е кровот и куполота од 19-от век.
Претседателот Емануел Макрон постави цел од пет години за обновување на катедралата, иако Риестер беше повнимателен.
“Претседателот беше во право да даде цел, амбиција, но очигледно, тоа што е важно на крајот е работата да биде завршена квалитетно. Тоа не значи дека работата ќе биде целосно завршена за точно пет години”, рече Ристер.
Comments are closed for this post.