Во директен судар на автобус и друго возило во Боливија загинаа најмалку 25, а ранети се 24 лица, соопшти боливиската полиција.

Родел Кано, вработен во сообраќајната полиција, изјавил за локалните медуими дека се пронајдени 25 тела и дека полицијата продолжина со акција за спасување.

Според неговото кажување 24 повредени лица се во критична состојба.


Министерот за внатрешни работи Карлос Ромеро изјавил дека возачот на автобусот се обидел да претекне цистерна, но се судрил со друго возило.

Автобусот потоа излетал во околу 300 метри длабока провалија кај градот Јолоса на северот од Боливија, околу 80 километри од главниот град Ла Паз.

На видео снимките се гледа дека автобусот останал без кров.