Болницата „Жан Митрев“ со пакети за лекување од Ковид-19: На полуинтензивна нега 10 дена ќе чини 6.000 евра

08.04.2021 / 12:14

Клиничката болница „Жан Митрев“ соопшти дека согласно состанокот одржан со министерот за здравство Венко Филипче, а со цел да им излезат во пресрет на што поголем број граѓани во оваа тешка ситуација, од денеска овозможува пакети за лекување од Ковид-19.

Досега пациентите плаќаа 12 000 евра, од сега за пациенти кои ќе се лекуваат на полуинтензивна нега, лекување во траење до 10 дена ќе чини 6000 евра, за пациентите на кои им е потребно интензивно лекување, односно се преземени во сериозна здравствена состојба од други институции каде биле претходно хоспитализирани, цената за максимум 10 дневно лекување ќе изнесува 8000 евра. Една хемофилтрација претходно чинеше 4000 евра, сега со намалување од 10 отсто ќе чини 3600 евра. Оваа метода на лекување, се применува по согласност од страна на семејството на пациентот, посочуваат од болницата.

Од болницата информираат дека имајќи ги предвид можните сериозни постковид последици т.е можните компликации по прележана инфекција од вирусот, за сите пациенти кои се лекувале во Ковид центарот во болницата, одобруваат 50 отсто намалување на цената на услугите за МР на срце и КТ на белите дробови.

-Како што во многу наврати досега сме информирале, нашите капацитети се во континуитет полни и имаме и листа на чекање. Во моментов се хоспитализирани околу 100 тешко болни пациенти од кои 40 на респираторна поддршка. За негата на овие пациенти се грижи комплетниот лекарски тим кој како и сите здравствени работници во државава е веќе преморен. Во процесот на нега во нашата болница се вклучени и дел волонтери од немедицинскиот персонал, со цел да им помогнат на своите колеги. Сепак, за да помогнеме секаде каде што е потребно и можеме, еден од нашите лекари ќе биде прераспределен согласно барањата на министерот за здравство, стои во соопштението.

Од болницата апелираат до пошироката јавност и ги повикуваат сите кои се чувствуваат способни да помогнат и кои би сакале да волонтираат, да се пријават.

– Ќе бидат соодветно едуцирани и вклучени во нашите процеси. Искрено се надеваме дека наскоро на пандемијата ќе и дојде крајот, а во меѓувреме потребно е сите да останеме максимално дисциплинирани, посветени и да се вложиме како поединцни во справувањето со последиците за доброто на сите, се наведува во соопштението.

СподелиShare on Facebook
Facebook
Tweet about this on Twitter
Twitter
Email this to someone
email

Pressingtv.mk - содржините се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини со ставање хиперлинк до содржината што се цитира.

Comments are closed for this post.

Македонија

Филипче на средба со поглаварите на МПЦ и ИВЗ: Сите да придонесеме во битката со пандемијата

пред 39 мин.
Македонија

Судот им определи мерки за претпазливост на останатите две лица, опфатени со истрагата за набавка на софтвер

пред 43 мин.
Македонија

СДСМ не го стави на дневен ред законот за економска помош во четвртокот, за да може да прави театар во скафандери

пред 51 минута
Македонија

Рашковски целиот имот го префрлил на своите малолетни деца

пред 56 мин.
Македонија

Проф. Трајковски: Не само што мора да постојат печатени учебници, туку тие не смеат да им се одземаат на учениците на крајот на учебната година

пред 58 мин.
Македонија

Анкета на МЦМС: 78% од граѓаните сметаат дека државата е во политичка криза

пред 1 час
Македонија

Костадинов: Успеавме без неработниците од ВМРО-ДПМНЕ

пред 1 час
Македонија

Разговор со Христијан Мицкоски вечерва на ТВ Клан

пред 2 часа
Македонија

Џафери: Пратениците кои беа во скафандери немаа контакт со ниту едно лице во Собранието

пред 2 часа
Македонија

Амбасадата на САД го поздрави усвојувањето на Националната страгија за спречување на корупција и судир на интереси

пред 2 часа