Пред почетокот на мандатот Петре Шилегов јавно на прес конференција вети возобновување на езерото Треска. Три години подоцна езерото Треска се затвора и тоа замира, се вели во соопштението на Советничката група на ВМРО-ДПМНЕ во Град Скопје.
Додека во Матка растат дивите платформи, Треска изградена со парите на скопјани, целосно се руинира. Вистинското прашање е чии бизнис интереси стојат зад затворањето на езерото Треска, стои во соопштението.
Наместо црвена лента за возобновување, езерото доби катанец. Ова е доказ за неспособноста и криминогеноста на градоначалникот Шилегов. Тој самиот ветуваше чуда и возобновување, сега сето тоа го заборави и тргна во заштита на бизнис интереси, се вели во соопштението на Советничката група на ВМРО-ДПМНЕ.
– Шилегов да не се правда дека градот нема надлежности, тоа требаше да го знае уште кога ветуваше на скопјани чуда од езерото. Сега се случува распаѓање на езерото за да тоа припадне на бизнис моќници на власта, се посочува во соопштението.
Comments are closed for this post.