Лидерот на ГЕРБ, Бојко Борисов, побара владејачката партија да го стави францускиот предлог за Македонија на пленaрна седница во Народното собрание и да се „прескокне“ разгледувањето на преледогот од страна на Комисијата за надворешна политика.

Поранешниот премиер во видеообраќање заедно со своите сопартијци побара на дневен ред на плеарната седница да бидат две точки , Македонија и Албанија и донесување на буџетот.

– Вчера решивме да дадеме зелено светло на темата Македонија. Очекувавме ова денеска да влезе во пленарната сала без игри и финти, а не да си играме со одолговлекувања. Престанете да кажувате квалификации. Храбар сте, кул сте, ставете го предлогот во сала. Ќе го освоите аплаузот од целиот Европски совет, рече Борисов.