Претседателот на ВМРО-ДПМНЕ Христијан Мицкоски заедно со потпретседателот Александар Николоски во Будимпешта оствари средба со Премиерот на Република Унгарија, Виктор Обран.

На средбата било разговарало за актуелната политичка и економска состојба во земјава, главните предизвици со кој таа се соочува, за стратешките интереси и перспективи на Република Македонија како и прашања поврзани за меѓусебна соработка на партиско ниво, меѓу партиите на Мицкоски и Орбан во рамките на Европската Народна Партија, се вели во соопштението на партијата.

Мицкоски посочил дека за ВМРО-ДПМНЕ исклучиво важни се европските перспективи на Република Македонија кои се загрозени од неодговорната Влада на Заев.

Во тој контекст Мицкоски изразил загриженост поради криминалите и корупциските скандали со кој се соочува Владата на премиерот Заев, како и отсуството на правни разрешници на таквите криминални афери кои го загрозуваат функционирањето на правната држава.

„И покрај отсуството на реформи, и сериозните индиции за криминално работење на владата кое допрва треба да се преиспита, сметам дека е потребно земјава да добие датум за преговори поради фактот што граѓаните не смеат да бидат заложник на неспособноста на Владата како и поради потребата да се воспостави уште еден контролен механизам врз владата преку поблиско мониторирање на нејзината работа од страна на европските институции, подвлече Мицкоски.

Според лидерот на ВМРО-ДПМНЕ, недостатокот на владеење на правото го следат и лоши економски резултати.

Наспроти нереалните фалби на Владата и премиерот, граѓаните не живеат подобро а сиромаштијата и иселувањето стануваат актуни проблеми, изјави Мицкоски.

На средбата станало збор и за песпективите за меѓусебна соработка особено во пресрет на Конгресот на Европската Народна Партија каде ВМРО-ДПМНЕ и партијата на премиерот Орбан се сестрински партии членки.

Инаку средбата со премиерот Орбан која беше на државно ниво и со официјален пречек се случи во неговата официјална резиденција во замокот „Кармелита” каде инаку унгарскиот премиер остварува редовни средби со премиери, претседатели и други високи гости информираат од ВМРО ДПМНЕ.