Австрискиот синдикат ГПА бара платена 15-минутна пауза во продавниците по двочасовно работење со заштитна маска.

– Вработените во продавниците извршуваат тешка работа на овие високи температури со маска и затоа им е потребно олеснување. Тие наутро преместуваат околу еден тон овошје и зеленчук, потоа два часа работат на одделот за послужување топла храна при големи горештини и на крај работат на каса, понекогаш под притисок на нељубезните купувачи. Тоа е тешка работа, која е уште потешка со маска, истакна претседателката на синдикатот, Барбара Теибер.

Синдикатот апелираше до Владата „на вработените во супермаркетите, кои се херои во овој тежок период, да им се даде поддршка и да се воведат платени паузи од заштитните маски“.

ГПА укажува дека постојат случаи каде вработените, поради проблеми со дишењето под маска, колабираат на работното место