Најдобриот македонски ракометар Кирил Лазаров се врати на тренинзите откако доби негативен тест на Ковид-19.

Лазаров беше позитивен пред дуелот против Целје во Лигата на шампионите и мораше да оди во изолација. Откако ги помина задолжителните 14 дена во изолација сега може да се врати на тренинзите.

Покрај Лазаров Нант на располагање ќе го има и Адриа Фигуерас кој исто така доби позитивен тест пред тој дуел.

Следниот натпревар Нант во француското првенство го игра за викендот кога ќе му гостува на Данкерк.