префрлање на топката

Првата антикорупционерка не гледа вина во Комисијата, туку во пресудата на Управниот суд

Кабинетот на поранешниот претседател поднесе тужба за ДКСК пред Управниот суд. Доколку тој суд не е надлежен, требаше да го отфрли предметот, изјави денеска првата антикорупционерка Билјана Ивановска пред промоцијата на првиот квартален извештај во рамки на проектот „Следење на работата, ефективноста, транспарентноста и одговорноста на ДКСК“.

Таа појасни дека ДКСК нема покренато постапка пред Управен суд за именувањата, односно указите направени од страна на поранешниот претседател на државата и врховен командант Ѓорге Иванов за време на изборниот процес. Според неа, ДКСК констатирала оти претседателот Иванов за време на изборниот процес го прекршил Изборниот законик и извршил именувања, за што во истиот законик е пропишана прекршочна казна.

Донесовме одлука дека претседателот на државата согласно Изборниот законик треба да плати за таа прекршочна постапка, изјави Ивановска.

И токму тука е основниот проблем, што Ивановска се обидува сега да го припише на Управниот суд и на „погрешна перцепција“ на новинар (односно, моја лична перцепција-л.з.). Зашто, според бившата судијка во Врховниот суд, Милојка Калкашлиева, претседателот на државата и врховен командант е уставна, а не управна категорија и оти Управниот суд не бил надлежен да одлучува, туку Уставниот суд. Или, доколку претседателот на државата прекршил некој закон, за тоа треба да одлучува Уставниот суд.

Со оглед дека во конкретниот случај бил наводно прекршен Изборниот законик, значи дека антикорупционерите си земале надлежност, што не им припаѓа, па побарале Иванов да плати прекршочна казна на што тој, нормално, реагирал. Прашање е зошто ДКСК и околу ова не постапила како што постапи во однос на привилегиите на поранешните претседатели, па наместо да носи одлука за прекршочна казна, да побара Уставниот суд да одлучува околу постапката на екс-претседателот Иванов.

Ивановска укажа дека Управниот суд ја известил ДКСК за тужбата поднесена од Иванов, на што од Антикорупција, како што рече, дале одговор зошто донеле таква одлука. Одлуката на ДКСК била отфрлена од страна на Управниот суд затоа што, како што појасни претседателката на Антикорупција, во ДКСК не го повикале Иванов да дојде да се изјасни и за други формални причини.

Затоа одиме понатаму на Вишиот управен суд. Тој предмет ДКСК го има отворено по сопствена иницијатива, ние немавме обврска таа одлука да ја доставуваме до поранешниот претседател Иванов, изјави таа.

Наспроти целиот оптимизам на Ивановска, сепак останува отворена дилемата дали на овој начин не ја промовира Комисијата во нешто што никој не очекува да биде-ем кадија што тужи, ем кадија што суди!

СподелиShare on Facebook
Facebook
Tweet about this on Twitter
Twitter
Email this to someone
email

Pressingtv.mk - содржините се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини со ставање хиперлинк до содржината што се цитира.

Comments are closed for this post.

Македонија

Рокот е „здравје боже“: Kои вакцини ќе дојдат побрзо-кинеските или руските

пред 16 часа
Македонија

Долг е патот до конфискација на имотот на Мијалков

пред 16 часа
Македонија

Илиев: По 60 дена судот по службена должност и без никој тоа да го побара ја преиспитува одлуката дали се уште стојат условите за мерката притвор за Мијалков

пред 17 часа
Македонија

Се воведуваат две нови одликувања: Орден „Киро Глигоров“ и Орден „Борис Трајковски“

пред 18 часа
Македонија

Пендаровски положи цвеќе на гробот на претседателот Борис Трајковски и на загинатите членови на делегацијата

пред 19 часа
Македонија

Во живо: Протест за случајот ,,Монструм”

пред 19 часа
Македонија

Шврговски: Што е Мијалков крив ако државата не може да ги обезбеди законските обврски? Ќе се жалиме штом ќе го добиеме решението

пред 19 часа
Македонија

Во Струмица одбележана 17-годишнината од загинувањето на претседателот Трајковски

пред 19 часа
Македонија

Ленче Ристовска: Задоволни сме од пресудата

пред 20 часа
Македонија

Заев: Го ослободивме патот по кој денес дојде правдата

пред 20 часа