Пред Основниот суд Скопје 1 вечерва симпатизери и поддржувачи на ВМРО-ДПМНЕ излегоа на протест за поддршка на екс премиерот Никола Груевски, кој е осуден на две години казна затвор за случајот  „Тенк“ на  СЈО за набавка на мерцедесот.

Насобраните граѓани побараа да престане политичкиот прогон и порачуваат дека не е сам во борбата.

Вечерва самоиницијативно како членови на ВМРО-ДПМНЕ се организиравме и се собравме да упатиме пораки. Јасно е дека ова што се случува на Груевски е политички прогон. Во случајот ТЕНК, доказот се уште е во Владата на РМ. СЈО има цел за уништување на политичката елита на ВМРО. Сите обвиненија на СЈО се базирани на незаконски начин. Ги охрабруваме судиите да работат во согласност законот на РМ. Го повикуваме претседателот на РМ, да донесе одлука со која ќе го прекине овој политички прогон во РМ. Упатувам јавна поддршка до Груевски. Фала му за се што направи, неговата борба е и наша борба. Да знае дека македонскиот народ нема да го остави, изјави Александар Трајковски.