Веднаш откако грчкиот парламент го ратификуваше Преспанскиот договор, со честитна се огласи Еврокомесарот за проширување, Јоханес Хан.

На својот твитер профил, Хан иистакнува дека Преспанскиот договор што го решава проблемот за името меѓу Грција и Северна македонија, е историски чекор за двете земји, за регионот и за Европа како целина.

Им честитам на лидерите на двете страни за нивните храброст и визија. Овој успех немаше да се случи без силната европерспектива за земјата што наскоро ќе биде Северна Македонија. Ова е моќта за привлекување на ЕУ во своето најдобро издание и носи стабилност и просперитет за регионот во време кога има пораст на дестабилизирачки сили – напиша Хан.


Еврокомесарот додава дека е среќен што долгиот пат до Преспанскиот договор, почнат со Пржинската спогодба во 2015 година, ќе овозможи да се надмине длабоката политичка криза.

Тоа го потврдуваат и длабоките реформи што ги почна државата која ги реши проблематичните прашања со соседите. Тоа треба да биде инспирација за целиот регион – напиша Еврокомесарот.