Министерот за надворешни работи Александер Шаленберг објави дека 651 000 дози на вакцини од Бионтех / Фајзер ќе бидат испратени во шесте земји од Западен Балкан од мај до август, а Австрија ќе биде координатор на пратките. ЕУ ги обезбедува овие откако не ги превземале, односно не ги побарале некои земји на ЕУ.

„Нема да го изневериме регионот. Во борбата против пандемијата, не можеме да си дозволиме празни места на картата за вакцинација. Вакцините се доставуваат според потребата, а не според населението. Со пратка од 214.000 дози на вакцини, Босна и Херцеговина ќе има најголем бенефит за земјата на која и е најмногу потребна помош. Во следните четири месеци 145.000 дози на вакцини ќе бидат донесени во Албанија, 119.000 во Македонија, 95.000 во Косово, 42.000 во Црна Гора и 36.000 во Србија“, соопшти Шаленберг.

Шесте земји од Западен Балкан за возврат ги плаќаат своите удели во кризниот фонд, но сумата потоа се враќа од претпристапната помош на ЕУ.

„Всушност, постојат многу силни врски меѓу Австрија и земјите од Југоисточна Европа, бидејќи многу десетици илјади луѓе со корени од Балканот живеат во Австрија. Според тоа, што е можно побрза кампања за вакцинација во земјите што не се членки на ЕУ на Балканот, исто така, ќе биде од корист на ЕУ, бидејќи има многу патувања од и до регионот и може да се избегнат инфекции“, додаде Шаленберг.

Вицеканцеларот Вернер Коглер (Зелените) за испораките на вакцините на Балканот. рече дека ваквите иницијативи се неопходни за обновување на довербата во пристапните разговори со ЕУ, за да можат повторно да забрзаат.

Шаленберг исто така нагласи дека со снабдување со вакцини во земјите од Западен Балкан, „никој во ЕУ нема да се вакцинира подоцна“.