Само еден ден откако американската амбасадорка го поздрави донесувањето на Законот за попис претседателот Стево Пендаровски го потпиша Указот за негово стапување во сила.

Претседателот Стево Пендаровски, по извршените консултации со правни експерти, денеска го потпиша Указот за прогласување на Законот за попис на населението, домаќинствата и становите.Претседателот Пендаровски очекува процесот на спроведување на пописот да не се политизира, а добиените податоци да бидат од корист за севкупниот развој, со што ќе се овозможи формулирање на долгорочни стратегии во виталните области во државата-велат од неговиот Кабинет.