Од вечерва на полноќ бензините и дизелот поевтини за два денари

22.01.2021 / 12:48

Од вечерва на полноќ малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) се намалуваат за два денара за литар во однос на малопродажните цени утврдени со одлуката од 18.01.2021 година. Малопродажната цена на екстра лесното масло за домаќинство (ЕЛ-1), пак, се намалува за 13 денари и ќе изнесува 41,50 денари за литар, додека малопродажната цена на мазутот останува на исто ниво.

Како што сооптши Регулаторната комисија за енергетика и водни услуги (РКЕ), од ноќеска на полноќ цените ќе бидат: на ЕУРОСУПЕР БС – 95 61 денар на литар, ЕУРОСУПЕР БС -98 63 денари, ЕУРОДИЗЕЛ БС 52,50, екстра лесно 1 (ЕЛ-1) 41,50 и мазут М-1 НС 30,823 денари за килограм.

РКЕ всушност изврши усогласување на Одлуката од 18.01.2021 година со која се утврдени највисоките малопродажни цени на нафтените деривати и горива за транспорт со Законот за акцизи. Одлуката за усогласување ја донесе зашто престанува да важи Уредбата со законска сила за примена на Законот за акцизите за време на вонредна состојба, со што практично од вечерва на полноќ во сила стапува Законот за акцизи.

-Поради истекување на важноста на Уредбата што беше донесена за време на вонредната состојба, од вечерва на полноќ се враќа на сила Законот за акцизи кој се применуваше пред да се донесе Уредбата. Поради оваа состојба, РКЕ донесе измена на одлука со што износите на одделни елементи кои влегуваат во структурата при формирањето на највисоките малопродажни цени на нафтените деривати и горива за транспорт, се променети согласно важечките износи на акцизите, утврдени во Законот за акцизи. Овие цени ќе важат се до донесување нова одлука, вели претседателот на РКЕ, Марко Бислимоски.

РКЕ секој понеделник носи одлука за утврдување највисоки малопродажни цени на нафтените деривати и горива за транспорт. Доколку во меѓувреме Собранието на РСМ ги изгласа измените на Законот за акциза во кои се вметнати одредбите од Уредбaта, РКЕ ќе закаже седница и ќе изврши соодветно усогласување на одлуката.

СподелиShare on Facebook
Facebook
Tweet about this on Twitter
Twitter
Email this to someone
email

Pressingtv.mk - содржините се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини со ставање хиперлинк до содржината што се цитира.

Comments are closed for this post.

Економија

Македонците не можат да си дозволат месо и риба, ни некаде да „шетнат“ на една недела

пред 2 часа
Економија

Од полноќ бензините и дизелот поевтини за 3,5 денари

пред 21 час
вмро-дпмне обвинува

Основните намирници се замрзнаа откако се поскапе

пред 2 дена
Економија

Цените на лебот, маслото, брашното, шекерот и месото замрзнати

пред 3 дена
Економија

Мицкоски: Поради лошите политики на власта, Македонија е на дното во регионот по странски инвестиции

пред 3 дена
вмро-дпмне обвинува

Покачување на цената на кесите нов удар за граѓаните

пред 3 дена
Економија

Mакедонија нема странски инвестиции дури ни колку Косово

пред 4 дена
Економија

Не заборавајте да земете платнена торба пред да отидете во продавница

пред 6 дена
Економија

Бензините поевтинуваат за половина денар, дизелот останува со иста цена

пред 1 нед.
Економија

Разрешени директорите на РЕК Битола и на РЕК Осломеј

пред 2 недели