Велика Британија е најатрактивна земја за странските инвеститори и покрај двосмисленоста на напуштање на земјата од Европската унија. Црните предвидувања за тешка економска криза се уште не се остваруваат. Сепак, локалните компании, за разлика од странските, се плашат да инвестираат, но  сакаат да ангажираат работници. Ова е причината зошто невработеноста во земјата е на рекордно ниско ниво – најниска од пред 44 години, а платите постепено се зголемуваат.

Атрактивна за странски инвестиции

Направената  анкета помеѓу 2.900 директори од целиот свет покажува дека Велика Британија е рангирана на прво место меѓу најатрактивните земји за деловни инвеститори во 2020 година, објави Ројтерс. Обединетото Кралство е пред Соединетите Американски Држави, кое е на чело од 2014 година. Следните позиции се Германија, Кина и Франција.

Падот на вредноста на фунтата по референдумот за  Брегзит во 2016 година, сепак, не е главен двигател за странските инвестиции во Велика Британија.

Послабата фунта ја направи Велика Британија поатрактивна туристичка дестинација. Во 2017 година, рекордни 39,2 милиони странци ја посетија земјата, а потрошија 24,5 милијарди фунти.

Во теорија, послабата фунта го направи британскиот извоз попривлечен. Продажбата во странство се зголемува, иако во изминатите неколку месеци тие се речиси замрзнати поради стравот од Брексит, објави ББС.

Британскиот пазар на трудот

По финансиската криза, компаниите не инвестираа во големи проекти, туку почнаа да ангажираат нови работници, бидејќи беше поевтина и пофлексибилна опција за користење на полн капацитет. Сега повторно го прават истото. Британскиот пазар на трудот е извонредно стабилен поради загриженоста за иднината на економијата по Брегзит. Помалку Европејци кои пристигнуваат да бараат работа ги принудија британските компании да бараат нови работници – претежно жени и студенти – вели Фајненшал тајмс.

Жените сочинуваат 80% од 179.000 нови работници вработени во првите три месеци.  Невработеноста е стабилна и останува 3,9%. Податоците исто така покажуваат дека просечните неделни плати, вклучувајќи бонуси, се зголемени за 3,5% во првите три месеци од претходната година. Просечната плата за периодот се зголеми за 3,4%.

Зголемувањето на вработеноста е во спротивност со релативно слабиот вкупен економски раст во првиот квартал и покажува дека продуктивноста во Велика Британија е намалена. Податоците од минатиот месец покажуваат дека продуктивноста за час пораснала за само 0,5% во споредба со 2018, што е далеку под просечната годишна стапка од 2% пред глобалната финансиска криза.