Рускиот премиер гледа шанса за подобри врски со новиот лидер на Украина

Премиерот на Русија, Дмитриј Медведев нема илузии дека ќе се смени нешто по претседателските избори во Украина, но верува оти постои шанса да се поправат билатералните односи.

Нема сомнеж, во однос на Русија, новиот претседател на земјата ќе ја има истата реторика како и за време на претседателската кампања и повторување на добро познатите идеолошки формули фокусирани на одредена група луѓе“, напиша Медведев на Фејсбук.

Украинскиот комичар Володомир Зеленски вчера победи во вториот круг од претседателските избори во Украина. Според првичните податоци, Зеленски освоил 73 отсто од гласовите, додека Порошенко само 25 проценти.