Актуелниот градоначалник на Кавадарци, Митко Јанчев, на локалните избори во октомври уште еднаш ќе ја бара довербата на своите сограѓани за градоначалнички мандат.

Мислам дека ќе бидам кандидат на ВМРО-ДПМНЕ. Секој можен противкандидат кој може да направи за Кавадарци, би дозволил да има дискусија, не би именувал никој. Не мора да се каже дека ако некое име се врти сега (Наќе Чулев), не значи дека тој ќе е противкандидат за градоначалник. Јас не верувам дека има шанси ВМРО-ДПМНЕ да не ми ја даде довербата. Мислам дека партијата треба да се соедини, да направиме добри резултати на наредните локални избори. Разликите во мислењето треба да го ставиме настрана, за доброто на граѓаните.

Јанчев вели дека ги надминале несогласувањата со претседателот на партијата Христијан Мицкоски.

-Имаше моменти кога имавме послаба комуникација со Мицкоски, но сега имаме поинтензивна комуникација. Од раководството не сум слушнал да ме критикуваат дека сум одработувал за власта, никогаш не сум работел против партијата, во иднина сакаме нормализирање на соработката во сите општини, без разлика кој ќе е во централната или локалната власт, вели Митко Јанчев, градоначалник на Кавадарци во Студио 10 на ТВ24.