ПЦР тестовите тешко го откриваат сојот на коронавирусот кој е откриен во Бретања во  Франција.

Во тек е детална истрага во Бретања, откако осум случаи се идентификувани како носители на варијантата од секвенционирање во кластер од 79 случаи во градот Лањон. Светската здравствена организација го смести овој нов вид во својата категорија „варијанта под истрага“. Оваа категорија ги вклучува повеќето од илјадници варијанти кои се јавуваат природно – од кои само мал дел ќе претставуваат проблеми со јавното здравје – наспроти категоријата „варијанта на загриженост“, која вклучува видови кои се наоѓаат во Бразил, Велика Британија и Јужна Африка. Претседателот Емануел Макрон предупреди дека во наредните денови може да дојде до нови мерки за заклучување. Во светот се шири британската, бразилската, јужноафриканската мутација на вирусот.