Префрлањето мигранти од преполнетите кампови на грчките острови во Егејското Море во континентална Грција продолжува и во текот на викендот, јавија локални медиуми.

Вкупно 415 мигранти вчера беа донесени со брод на ВМС до пристаништето Елеусина, западно од Атина. Попладнево се очекува да пристигнат дополнителни 380 мигранти.

Тие биле на островот Лезбос во кампот Морија, каде има 10.000 мигранти во простор наменет за само 3.000.

Висок грчки владин претставник изјави за западни медиуми дека владата планира да префрли 5.000 мигранти во континентална Грција во наредните 15 дена. Тие ќе бидат сместени во хотели бидејќи е завршен „пикот“ во туристичката сезона