Брнабиќ и Вучиќ со прием за Заев и Рама

Српскиот Претседател, Александар Вучиќ и премиерката, Ана Брнабиќ, ги пречекаа македонскиот и албанскиот премиер, Зоран Заев и Еди Рама во Нови Сад, пред утрешната официјална средба иницирана од Вучиќ.

Добредојдена е секоја иницијатива што оди во насока на зајакнување на регионалната соработка, како критериум и во ЕУ агендата и што ја забрзува евроинтеграцијата на Западен Балкан. Утре со Претседателот на Србија Александар Вучиќ и со премиерот на Албанија Еди Рама ќе разговараме за тоа во Нови Сад. Имаме неискористен потенцијал за зголемување на регионалната соработка, интензивирање на трговијата, протокот на стоки, мобилноста на луѓе, услуги и капитал, меѓу сите земји од Западен Балкан – објави Заев на својот Фејсбук профил.