Британската полиција денеска соопшти дека го уапсила основачот на Викиликс, Џулијан Асанж.

Можам да потврдам дека Асанж е во притвор и дека е соочен со правосудството на Велика Британија“, изјави британскиот министер за внатрешни работи Саџид Давид.

Откако владата на Еквадор го укина азилот на основачот на Викиликс, британската полиција влегла во амбасадата на Еквадор во Лондон и го уапсила Асанж.


Претседателот на Еквадор Ленин Морено изјави дека неговата земја го укинува азилот на Асанж откако тој повеќе пати ги прекрши меѓународните конвенции.

Во еквадорската амбасада Асанж престојуваше од 2012 година, како би го избегнал испорачувањето во Шведска која го обвинува за сексуално злоставување.

Асанж ги негира обвинувањата и стравува дека Шведска ќе го предаде на властите во САД како би се соочил со нивните обвинувања за обелоденување на воени и дипломатски документи.

Асанж за многу краток рок ќе се појави во суд, наведе британската полиција.