Американскиот претседател Доналд Трамп на Твитер објави дека на барање на демократите ја одложил масовната депортација на илегалните мигранти, што беше планирана за денеска.
Трамп им даде рок од две недели на демократите и републиканците во Конгресот да се договорат за решавање на проблемите на јужната граница на САД, а во спротивно ќе нареди спроведување на депортацијата.
На барање на демократите го одложив процесот за отстранување на илегалните мигранти (депортација) на две недели, за да видам дали демократите и републиканците можат да седнат и заедно да изнајдат решение за проблемите со азилот и дупките на јужната граница. Доколку не можат, почнува депортацијата! – напиша Трамп на Твитер.
I want to give the Democrats every last chance to quickly negotiate simple changes to Asylum and Loopholes. This will fix the Southern Border, together with the help that Mexico is now giving us. Probably won’t happen, but worth a try. Two weeks and big Deportation begins!
— Donald J. Trump (@realDonaldTrump) June 23, 2019
Американскиот претседател вчера им нареди на надлежните служби да спроведат масовна депортација на мигрантите на кои им е наложено да заминат од САД. Според американските медиуми, со планирата депортацијата требаше да бидат опфатени околу 2.000 семејства од дестина големи градови од САД.
Comments are closed for this post.