Во Мексико секојдневно се гине. Во првата половина од годината бројот на убиства порасна за 5,3 отсто во споредба со истиот период лани. Само во месец јуни годинава се забележани 3.080 убиства, што е пораст за осум проценти во однос на истиот месец од минатата година.

Во првата половина од годината со 17.608 убиства е поставен рекорд откако во 1997 година почна да се води статистика, надминувајќи ја бројката на насилни смртни случаи во мексиканската војна против дрогата во 2011 година.

Според официјалната статистика во првата половина од 2018 година убиени се 16.714 лица.

Судирите помеѓу наркокартелите за територија се посебно крвави во северната држава Сонора, каде бројот на убиства порасна за 69 отсто.

Додека во државата Синалоа, од каде потекнува осудениот наркобос Хоакин Гусман познат како Ел Чапо, забележани се 23 отсто помалку убиства во однос на минатата година.