Францускиот производител на вакцини Валнева (Valneva) соопшти дека се повлекува од преговорите со Европската комисија, по повеќе од шест месеци разговори од коие нема резултати, објави „Политико“.

Компанијата објави дека вложила значителни напори и време да ги исполни потребите во процесот за Европската комисија.

„И покрај нашите најнови клинички податоци, ние не постигнавме никаков напредок и не обезбедивме договор за испорака“, наведуваат од „Валнева“.

Компанијата има намера да се фокусира на преговори со одделни земји-членки или заинтересирани земји кои не се членки на ЕУ.

Валнева и ЕК почнаа преговори во третиот квартал на 2020 година и објавија дека ги завршиле  „разговорите“ за да обезбедат 60 милиони дози.

Производителот потпиша договор со британската Влада минатото лето и потоа го прошири на 190 милиони дози до 2025 година.