Шест луѓе биле повредени при експлозија на лаптоп во еден воз во метрото во Мадрид. Повредена е сопственичката на лаптопот, којашто го носела компјутерот во торба, како и петина патници што седеле во нејзина близина.

На неколкумина други патници им била неопходна помош од медицинските екипи, а од итната медицинска служба на Мадрид соопштија дека 17 луѓе биле во сериозна состојба на шок. Експлозијата предизвикала паника во метрото поради стравувањата на луѓето дека станува збор за терористички напад.


Луѓето што се наоѓале во вагонот ја активирале кочницата за итни случаи за да го напуштат возот, по што пешачеле во темнината околу 100 метри додека да дојдат до платформата.

По експлозијата, сообраќајот во метрото бил запрен, но по кратко време и нормализиран.


Овој инцидент пробуди лоши сеќавања кај жителите на Мадрид, поради бомбашкиот напад на мадридското метро во 2004 година, терористичкиот чин во кој загинаа 192, а повеќе од 2.000 луѓе беа повредени.