Блиндиран инкасаторски автомобил истурил дожд од долари на автомагистрала во Атланта, Џорџија, предизвикувајќи вистински хаос во сообраќајот, соопштува WSB-TV. Десетици возачи излегле од своите автомобили за да ги собираат банкнотите.

Според полицијата, од засега непознати причини вратите на инкасаторскиот автомобил незабележано се отвориле во текот на возењето. Првичните информации велат дека на автопатот се истуриле не помалку од 175.000 долари.


Повеќето собирачи на банкнотите веднаш си заминале со парите, што ги дограбиле, но имало и такви кои ги вратиле. Полицијата ги повикува граѓаните да го вратат „ловот“, зашто банкнотите можат да бидат откриени според серискиот број.