Во Србија денеска или во текот на утрешниот ден пристигнува нова пратка од 50.000 дози од вакцината Спутник V, најави српскиот министер за иновации Ненад Поповиќ.

Добивме информации од нашите руски партнери дека за Србија подготвени се нови 50 илијади дози од руската вакцина против корона вирус. Овие вакцини во Србија ќе пристигнат денеска или утре, изјави Поповиќ за РТС.

Тој додаде дека овие вакцини се резултат на директните разговори помеѓу Александар Вучиќ и рускиот претседател Владимир Путин, од пред некој ден.

Вучиќ и Путин разговарале за процесот на вакцинација и билатералните односи помеѓу двете земји, притоа согласувајќи се дека истите се на највисоко можно ниво.