Обвинетите членови на групата Дарко Шариќ и Вељко Беливук негираа учество во убиствата на членовите на Шкаљарскиот клан во Атина пред пет години. Обвинетиот Марко Петковиќ тврди дека никогаш не бил во ресторанот во кој беа убиени Стеван Стаматовиќ и Игор Дедовиќ, пишува „Blic.rs“.
Станува збор за убиствата на Стеван Стаматовиќ и Игор Дедовиќ во Атина и за убиствата на Алан Кожар и Дамир Хаџиќ на Крф.
Милинко Брашновиќ, кој исто така е обвинет рече дека од наводните водачи на оваа група, Беливук го познавал само од стадион бидејќи бил навивач на Партизан.
Брашњовиќ рече дека заминал во Грција со авион и со пасош и додаде дека не разбираат за каква организирана група се работи, ако тој како наводен убиец си заминал користејќи ги личните документи.
Причината за неговото заминување во Грција, како што наведе, е да се види со поранешната сопруга и детето, кои живеат на Кипар, како и да најде работа преку пријател од основно училиште.
На денот кога беа убиени Стаматовиќ и Дедовиќ, Брашновиќ тврди дека не бил во Атина, туку во Солун и дека легално заминал од Грција во Франција, а потоа во Шпанија, каде што бил уапсен.
Обвинетиот Марко Петковиќ, еден од обвинетите пукачи на Стаматовиќ и Дедовиќ, тврди дека никогаш не бил во ресторанот каде што биле убиени и дека не пукал во нив.Тој, исто така, негираше дека користел телефон со шифрирана апликација „Скај“.
Кои беа Дедовиќ и Стаматовиќ
Тие беа високо позицирани членови на Шкаљарскиот клан и имаа прошверцувано кокаин во вредност од над 300 милиони евра. За нас тие се интересни бидејќи се дел од стотината криминалци кои во времето на претходната влада кога на чело на Министерството за внатрешни работи беше Оливер Спасовски добија македонски пасоши.Беа лоцирани во ресторанот откако нивните сопруги се „чекирале“ на Фејсбук.
Извор Блиц.рс
Comments are closed for this post.