Заев се заблагодари на Србија со бугарски шмек

Два дена по пристигнувањето на вакцините од Србија премиерот Зоран Заев нема доволно зборови за да им се заблагодари на пријателите од Србија за несебичната поддршка на Македонија во справувањето со светската пандемија.

Оваа планетарна криза го извади најдоброто од човештвото – соработката, пријателството и солидарноста. Солидарноста и поддршката преку споделување на вакцини од Србија за Македонија, е израз на традицијата во регионот – првата рака на помош да се подаде кон најблискиот сосед, кон комшијата. Треба да продолжиме да ги негуваме засекогаш пријателството и меѓусебната поддршка меѓу народите и државите, за сите заеднички идни предизвици. Посакувам и повикувам секој еден од нас да придонесе, за да има мир, здравје и љубов на Балканите, напиша Заев на Фејсбук.