Премиерот Димитар Ковачевски и заменик премиерот за европски прашања, Бојан Маричиќ, имаа средба со еврокомесарот за проширување и соседска политика на ЕУ, Оливер Вархеји.
Кабинетот на Ковачевски соопшти дека на средбата заеднички е констатирано дека европските интеграции на С.Македонија и на регионот се потреба на државите во регионот, но и на самата Европска унија.
Постои согласност дека сега е моментот за деблокада на евроинтеграциите на Македонија, бидејќи во спротивно може да остане уште долг период отворено прашање, а тоа не е од полза на ниту една страна, се наведува во соопштението.
Ковачевски рекол дека тој останува посветен на принципите на почитување на европските вредности и на разговори базирани на почит и достоинство, и дека очекува дијалог со Бугарија врз основа на такви принципи.
-Нашата држава ги исполни своите обврски и продолжува да дејствува целосно на линија на политиките на ЕУ, со што уште еднаш покажа дека е достоен партнер на европските држави и заслужува конечно одржување на првата меѓувладина конференција со ЕУ, рекол премиерот.
Comments are closed for this post.