-ЕУ испраќа најдлабоко сочувство до семејствата и пријателите на жртвите на овој трагичен пожар во модуларната болница во Тетово специјализирана во третманот на пациентите болни од Ковид. Им посакуваме брзо закрепнување на повредените, наведува портпаролката на Европската Комисија, Ана Писонеро.

Сочувство изрази и амбасадорот на ЕУ во земајва, Дејвид Гир.

– Нашите мисли се со тетовци утрово по трагичниот пожар во модуларната болница. Искрено сочувство до семејствата и пријателите на загинатите и најдобри желби за брзо закрепнување на повредените, пишува Гир на Твитер.

Пожарот кој избувна во модуларната болница во Тетово синоќа околу 21 часот, според првичните официјални информации, одзеде десет животи, но утринава обвинителството соопшти дека загинале 14 лица, додека „Фокус“ наведува плус едно лице, кое не е предадено на обдукција.