Основното јавно обвинителство за организиран криминал и корупција води предистражна постапка за поранешниот премиер Никола Груевски, кој е во бегство во Унгарија. Во овој дел од постапката се прибрани снимки од камери на граничните премини, од пред зградата на Груевски и од соседството, а се бараат известувања и од институции и податоци од банките, беше речено на денешниот брифинг со новинарите во ЈОРМ.
Од Обвинителството посочија дека доколку се утврди одговорност кај некои луѓе за бегството на Груевски степенот на работење ќе се подигне и предметот нема да биде во предистражна постапка.
Премиерот Заев пак денеска нагласи дека ги знае сите детали за тоа како избегал поранешниот премиер Никола Груевски но оти ќе чека прво со информации да излезе Јавното обвинителство.
Јас сум информиран, но мораме да почитуваме Јавното обвинителство за истрагата. Гориме од желба и јас и Оливер Спасовски да ги кажеме сите детали, и во делот на внатрешната истрага и истрагата што ја прави Јавното обвинителство но законите велат кога имате налог од Јавното обвинителство да заврши истрага па да соопштувате тоа го соопштувате-вели премиерот.
Comments are closed for this post.