Новоименуваната амбасадорка на САД во земјава Кејт Брнз, денеска пристигна во земјава и го имаше нејзиниот прв работен ден во канцеларијата, објави американската Амбасада на официјалниот фејсбук профил.

– Амбасадорката Брнз оваа недела ќе му ги претстави своите акредитиви на претседателот Стево Пендаровски, стои во објавата.

Брнз на нејзиниот прв ден во канцеларијата пристигна со нејзиниот сопруг, капетан Лари Скот Гејџ, пензиониран полковник на Воената морнарица на САД.

Амбасадорката Брнз е дипломат од кариера. Таа на позицијата доаѓа од Атина каде од септември 2017 до мај 2019 година беше заменик шеф на мисијата на САД во Грција. Претходно беше постојан претставник на мисијата на САД во ОБСЕ во Виена.