Мицкоски доживува тотално фијаско. Нема да успеваат неговите обиди да ги одбрани криминалите на тајкуните на режимот на ВМРО-ДПМНЕ, изјави на прес-конференција пратеникот и портпарол на СДСМ, Костадин Костадинов по денешната средба со медиумите на лидерот на ВМРО-ДПМНЕ, Христијан Мицкоски.

„Мицкоски и ВМРО-ДПМНЕ одработуваат за тајкуните на режимот и обвинетите криминалци, надевајќи се дека ќе ја поткопаат правната држава, дека нема да успее да се донесе новиот закон за ЈО, дека нема да станеме членки на ЕУ и НАТО, а вистинските криминалци да ги спасат и замислете, пробуваат да ги претстават како жртви. Она што беше јасно од самиот почеток, со денешната прес конференција Христијан Мицкоски го потврди“, рече  .

Според Костадинов, Клучниот осомничен во еден од случаите на СЈО, „Империја“, Мицкоски се обиде да го претстави како жртва. Тој додаде дека единствената агенда на ВМРО-ДПМНЕ и Христијан Мицкоски беше и останува одбрана на криминалот на режимот.

„Мицкоски денеска јасно потврди дека се сретнал со лицата кои се осомничени и кои се гледаат на објавените снимки за случајот Рекет. Сега треба отворено да излезе пред јавноста и да даде одговори:со кои две лица, кои се гледаат на објавената снимка се има сретнато, што примил Христијан Мицкоски на рака, дали Мицкоски се сретнал со авторот на текстовите во Будимпешта, дали се сретнал со тајкунот осомничен во случајот „Империја“ и зошто, праша Костадинов.

За најавените протести на ВМРО-ДПМНЕ, Костадинов рече дека „ не се ништо друго туку последен обид за одбрана на криминалот на режимот, поттикнат од неговиот шеф Никола Груевски“.