Груевски: Зарем Заев наредил во СДСМ снимките да ги прими човек кого тогаш не го познавал!?

Поранешниот премиер на Македонија, кој доби политички азил во Унгарија, Никола Груевски, на својот фејсбук профил се осврна за сведочењето на Зоран Верушевски и коментарите на премиерот Зоран Заев за тоа сведочење.

Во својот статус, Груевски иронизира за тоа како „портпаролот“ на сведокот кажал што неговиот советник ќе каже следниот пат и што сакал да каже претходниот пат.

Всушност, ,,махеров” веќе на јавноста и прераскажа што сакал да каже сведокот откако нели веќе со него разговарал, а сведокот сега само треба да го изрецитира тоа или слично на тоа во судот за 15-20 дена.
Првото објаснување односно информирање од ,,портпаролот на сведокот” е дека сведокот кажал така бидејќи бил разочаран од случајот “Рекет”.
Значи, бидејќи ,,портпаролот на сведокот” и Катица решиле да рекетираат, па со други снимки направени оваа 2019 година ги фатиле и пријавиле, сведокот толку се разочарал што во таа агонија на разочараноста ,,му светнало” да каже дека снимките предадени во СЈО пред 4 години, се страотно модифицирани и компромитирани откако тој бил лишен од слобода во 2014 година и дека тој не им ги дал на другите двајца сведоци истите.
Муртински приказни…нели? – пишува Груевски во својот статус.