“Задоволни сме дека … вистината за нашата заедничка историја, вклучително  и за Гоце Делчев, започнува да се кажува јавно од политичари на највисоко ниво во Македонија, како на пример – претседателот на земјата Стево Пендаровски”, рече бугарскиот премиер, пренесе бугарската новинска агенција „БГНЕС“.

“Земјите од Западен Балкан мора да вложат максимални напори за развој на добрососедски односи со своите соседи од Европската унија. Несомнено, еден од најдобрите примери за тоа е потпишувањето на Договорот за добрососедство меѓу Бугарија и Република Северна Македонија, кој го направи можно давање на хоризонтот за почеток на преговори со Република Северна Македонија “.

Ова го изјави премиерот Бојко Борисов за време на состанокот со македонскиот колега Зоран Заев во Познан во рамките на Самитот на иницијативата “Берлински процес”.

Двајцата премиери разговараа за достигнувањата и предизвиците во билатералните односи со Бугарија. Тој ги коментираше зборовите на претседателот дека Гоце Делчев се декларирал  како Бугарин, пренесува БГНЕС.

За време на разговорот, Бојко Борисов и Зоран Заев истакнаа дека потпишувањето на Договорот за пријателство, добрососедство и соработка даде позитивен поттик во партнерството меѓу двете земји.

“Потпишувањето на договорот е наш најголем успех. Без твоето лидерство ова немаше да биде можно “, изјави од своја страна, премиерот на Република Северна Македонија, Зоран Заев и упати покана до премиерот на Бугарија заедно да ја одбележат втората годишнина од потпишувањето на Договорот за пријателство, добрососедство и соработка меѓу двете држави на 1 Август и заедно да се поклонат пред споменикот на Гоце Делчев.

Премиерот Бојко Борисов истакна дека во рамките на Самитот на шефовите на држави и влади на земјите-учеснички во ПСЈИЕ во Сараево следната недела, ќе има разговор и со македонскиот претседател Стево Пендаровски.

“На ниво премиери и министри за надворешни работи си имаме доверба, но сега треба да работиме за доверба меѓу администрациите ни и комисиите, за да има реален резултат. Потребна е нова динамика во работата на Комисијата, што ќе доведе до брзи и категорични резултати до крајот на 2019 година, на теми како Илинденското востание, Гоце Делчев и др. “, Истакна премиерот Бојко Борисов.