Сандра Булок донирала 100.000 долари  за да се обезбеди грижа за животните, што биле евакуирани за време на пожарите во Калифорнија, соопшти Контактмјузик.

Значајната сума 54-годишната холивудска  дива и ја подарила на организацијата „Хумано општество на округот Вентура„.

Донацијата ќе даде можност да се обезбеди грижа за редица животни-коњи, бикови, магариња, свињи, кокошки, патки, кучиња и мачки, што биле принудени да избегаат од огнената стихија.