Трошоците на живот во мај годинава се зголемени за 0,5 проценти, а цените на мало за 0,4 проценти во споредба со април, објави денеска Државниот завод за статистика.

Пораст кај е забележан кај свежото и разладеното овошје за 3,7 проценти, кај лебот за 1,6 проценти, другите прехранбени производи за 1,1 процент, цигарите за еден процент, лебот и житата за 0,9 проценти, месото за 0,6 проценти, брашното и другите жита за 0,5 проценти, замрзнатиот зеленчук освен компирите и другите коренести плодови, шеќерот, џемот, медот, чоколадата и кондиторските производи, алкохолните пијалаци за 0,3 проценти и маслото и маснотиите за 0,2 проценти.

Пораст има и кај течните горива за домаќинствата за 5,5 проценти, течните горива и мазива како дел од опремата за сопствени сообраќајни средства, туристичките пакет-аранжмани за 3,7 проценти, обувките за 2,8 проценти, услугите за сместување за 2,5 проценти…

Намалување на индексите на трошоците на животот е забележано кај свежиот и разладениот зеленчук освен компирот и другите коренести плодови за 4,6 проценти, трбушките за 0,9 проценти, сувото овошје и јаткастите производи за 0,7 проценти, јајцата за 0,4 проценти и другите пекарски производи, замрзнатата риба за 0,2 проценти. Намалување имаи кај авионскиот превоз на патници за 2,2 проценти, градините, растенијата и цвеќињата за 1,3 проценти, информатичката опрема за 0,7 проценти, дисковите, касетите, дискетите, ЦД-ромовите, филмовите за 0,4 проценти, ….

Во споредба со мај лани трошоците на живот се зголемени за 1,4 проценти, а цените на мали за еден процент.