Уште една лага, помина јануари, нема ништо од најавената германска инвестиција на Заев, напиша Христијан Мицкоски, лидерот на ВМРО ДПМНЕ на социјалната мрежа фејсбук.

Според него, на Заев не му пречело да го злоупотреби и името на германската канцеларка.

„Помина месец јануари, нема ништо од најавената германска инвестиција на Заев.

Уште една лага!

На премиерот не му пречеше да го злоупотреби и името на германската канцеларка.

На премиерот не му пречеше да го злоупотреби и името на германската канцеларка.

Уште помалку има нешто од оние прво најавени инвестиции на Заев за Google и FB.

Денес, одново слушам неболузи како влезот во воениот сојуз НАТО ќе донесе нови инвестиции. Влезот во НАТО е наша стратешка цел, но тоа нема никаква директна врска со странските инвестиции.

Странските инвеститори ја одбегнуваат Македонија не затоа што се плашат дека некој ќе изврши воена инвазија и ќе загрози нивната инвестиција, туку пред се затоа што криминална ни е власта. Затоа што нема владеење на правото и има целосно отсуство на правната држава.

Понудата која се дава на странските инвеститпри се зголемени даноци, истоштена домашна економија и министри за привлекување на инвестиции чии имиња не ги знае ниту домашната јавност“, напиша Мицкоски на фејсбук.