Во голем пожар во главниот град на Бангладеш, Дака, изгореле 15 илјади домови, а 50 илјади луѓе останале без кров над главата, јавува БиБиСи.

Пожарот избувнал во сиромашната четврт Чхалантики во петокот вечерта.

Многу од бараките имале пластични кровови, заради што пожарот брзо се ширел. Никој не го изгубил живото, но неколку луѓе се повредени.

Причините за пожарот не се знаат, а отворена е истрага. На пожарникарите им требале повеќе од шест часа да го изгасат пожарот.

Владата најави помош за илјадниците луѓе кои повеќе немаат кров над главата.