Руски бомбардер „Су-24“ е снимен како прелетува во близина на шпански носач на авиони, што учествуваше во воената вежба на НАТО во Балтичко Море, објави шпанската телевизија „Антена 3“.

На снимката се гледа како рускиот авион лета многу ниско во близина на шпанскиот носач на авиони „Хуан Карлос Први“.


За прелетот на рускиот авион нема официјален коментир ниту од руското Министерство за одбрана ниту од НАТО, но шпанската министерка за одбрана, Маргарита Роблес, за руските медиуми изјави дека прелетувањето на рускиот „Су-24“ не е оценето ниту како инцидент, ниту како провокација.

Воената вежба „НАТО БАЛТОПС“ се одржуваше од 9 до 21 јуни.