Кандидатите за претседател на Македонија и партиите што ги поддржуваат денеска ја продолжуваат предизборната кампања. На петтиот ден, централниот караван на коалицијата Заедно напред ќе одржи граѓански трибини во Берово и Делчево, додека кандидатот на ВМРО-ДПМНЕ во Ресен и Битола.
Синоќа професорката Гордана Силјановска одржа митинзи во Виница и Кочани од каде порача пред присутните дека во Македонија владее селективна правда.
Да се оди во ЕУ значи правна држава, а не е правна држава ако се репресираат пратеници, и се прави се да се ослободи коалициониот партнер. Од друга страна има постојан реваншизам кон неистомислениците. Видовме дека иако може да обвинат за терозирам, може да ги ослободат обвинетите. Каква е таа држава, во која на чело на телото за судски реформи е премиер, кој не е ниту правник. Тоа не е вистинска, туку селективна правда. Нивното право е политичко“, рече Силјановска Давкова.
Кандидатот поддржан од власта, Стево Пендаровски синоќа одржа трибина со граѓаните на Велес од каде порача дека правда мора да има во оваа држава.
Нам ни било пишано по трнлив пат да одиме, но ќе го изодиме. СЈО треба да продолжи и понатаму да работи за да се почитуваат законите во државата. Нашата тенденција е токму таа, Република Северна Македонија мора да биде демократска и правна држава“, потенцира Пендаровски пред велешани.
Кампањата официјално започна во понеделникот на 1 април, а ќе трае до 19 април по што следува 24-часовен изборен молк пред денот на гласањето.
Comments are closed for this post.