Прашањето „За кој кандидат ќе гласате на претседателските избори“, во анкетата на Тв Телма покажува различни резултати во зависност од националната припадност на испитаниците.

Вкупно 32,2 проценти од Македонците со право на глас се изјасниле дека ќе гласаат за Гордана Силјановска Давкова, 26,1 отсто од македонските испитаници се за Стево Пендаровски,  а 0,9 се за Блерим Река.

Најголем дел од испитаниците од албанска националност, односно 41,4 ќе гласаат за Блерим Река, 15,2 отсто го поддржуваат Пендаровски, а 0,4 од албанските гласачи се за Силјановска Давкова.

-Ако утре се одржат претседателски избори, 25 отсто од граѓаните би се изјасниле за Стево Пендаровски, 22,4 проценти за Гордана Силјановска, 10,9 отсто за Блерим Река, а 17,9 отсто не би поддржале ниту еден од овие кандидати, покажува анкетата спроведена од М-проспект за ТВ Телма.

Од анкетираните, вкупно 18,3 отсто сé уште не одлучиле за кој кандидат ќе гласаат.