За Уставниот суд не е спорно што за името беше распишан консултативен референдум

Уставниот суд вчера реши да не поведе постапка за оценување на иницијативата за оценување на уставноста на членот 27 од Законот за референдум.

Овој член се однесуваше на распишување на референдум на државно ниво за претходно консултирање на граѓаните на граѓаните од повисок интерес.

Судијата Јован Јосифовски сметаше дека ова прашање заслужува добра анализа и дека членот 27 од Законот за референдум не е во согласност со членот 73 од Уставот.

Одредбата е во спротивност на Уставот и сметам дека Судот треба да поведе постапка, а не да ја отфрла. Во Уставот нема список или листа на забрани и затоа нема одредба дека не е забрането да се распишува консултативен референдум. Но, затоа јасно стои дека одлуката на референдум е задолжителна – објасни Јосифовски.

Судијата Осман Кадриу пак беше на став дека Собранието е должно да распише задолжителен референдум ако станува збор за менување на границите или пак ако се работи за пристапување или излегување од сојуз со други држави.