Кај раководство на ВМРО-ДПМНЕ и „антизападниот пион Христијан Мицкоски“ присутна е идентична матрица од претходното раководство предводено од осудениот криминалец Никола Груевски. Мицкоски, исто како Груевски спроведува деструктивни политики, се обидува да ги закочи процесите за ЕУ и НАТО, работи против интеграција на Македонија во најмоќните демократски сојузи на светот“, рече денес на прес-конференција Костадин Костадинов, преатеникот и портпарол на владејачката СДСМ.

„Како потврда дека ништо суштински не е сменето се луѓето од неговото опкружување, но и истите гласноговорници на тие деструктивни политики против НАТО и ЕУ. Еден од овие гласноговорници е Миленко Неделковски.

Она што е заедничко за Мицкоски и Неделковски e што и двајцата добиле државно земјиште од владата предводена од Никола Груевски. Мицкоски за да го почне бизнисот со хидроцентрали, додека фирмата на братот на Неделковски за чување кози за кои добивал десетици илјади евра годишно како субвенции од државата. Заедничко за Мицкоски и Неделковски е тоа што и двајцата отворено работат против ЕУ и НАТО и учествуваат на протести за одбрана на криминалот на Груевски и соработниците. Неделковски освен што ги поддржа протестите на Мицкоски, јавно порача дека посакува Македонија да се распадне и да пропадне.

Дали и Мицкоски се надева на пропаст на Македонија нека ценат граѓаните, истакна Костадинов.

Тој додаде дека кажува многу тоа што Мицкоски, исто како и неговиот ментор Груевски, ги користи деструктивните услуги од Неделковски, човек којшто со години шири лажни вести и говор омраза кон граѓани и новинари, човек кој поттикнува меѓуетничка и меѓучовечка омраза.