Червар се врати во Загреб!

Хрватскиот шампион Загреб доби големо засилување во стручниот штаб во продолжението од сезоната.

На местото стручен советни за спортски прашања, доаѓа екс тренерот на Металург и селектор на Македонија, Лино Червар.

„Долги години бев тренер во Загреб и го знам клубот доволно, но сега ќе имам поголема улога од тренерската. Загреб е клуб со богато минато, сегашност, а мора да има и иднина, бидејќи е важен за нашата репрезентација. Гледам дека намера на Загреб е да им дава шанса на младите хрватски играчи, а идеалниот модел е скандинавскиот, кој вклучува работа само со млади ракометари и може да се направи добра селекција. Мораме да работиме повеќе од другите, бидејќи немаме толкава финансиска моќ како други, но мора да имаме повеќе страст, псоветеност и амбиции во работата со младите. Мораме да создаваме играчи. Ќе се обидам да го пренесам моето искуство, визија и идеи. Ќе дадам се од себе да внимавам и да ги насочувам тренерите во сите категории на Загреб“, вели Червар.