Израелските безбедносни сили застрелале 15-годишно палестинско момче, за време на протестите крај граничната ограда меѓу појасот Газа и Израел. Момчето било погодено во глава за време на протестот во кој учествуваа десетици Палестинци.


Протестите во организација на движењето Хамас, кошто владее со Газа, до неодамна се одржуваа еднаш неделно, но сега се со зачестен интензитет во обид да се принудат Египет и Израел да ја укинат блокадата кон Газа, воведена уште во 2007 година, кога Хамас ја презеде контролата над областа, потиснувајќи го поумерениот Фатах.

Во протестите против таа блокада, од крајот на март до сега загинаа 134 Палестинци, вклучувајќи и 22 на возраст до 16 години.