Се породи по само 22 недели, бебето преживеа

Бебе родено во 22. недела од бременоста, живо е отпуштено од интензивна нега откако мина 160 дена в болница во американската сојузна држава Алабама. Новоредениот Кален Потер, тежел само 370 грама непосредно по неговото раѓање во април, четири месеци пред предвидениот термин.

Случајот со ова бебе е рамен на чудо, со оглед на тоа што малиот Кален имал само два отсто шанси за преживување.

Сепак, упорноста на неговите родители Моли и Роберт Потер, коишто се јавиле во 16 болници заради консултации се исплатеше и придонесе за навистина да се случи чудо.