Најмалку 17 лица загинаа, а 13 се исчезнати при лизгање на земјиште во Колумбија, предизвикано од обилни врнежи од дожд, соопштија локалните власти.

Свлечиштето зафатило неколку куќи во југозападниот дел на земјата, околу 630 километри од главниот град Богота.

Претседателот на Колумбија, Иван Дуке, го посети местото на несреќата каде што соопшти дека е упатена помош за загрозеното население.

Спасувачките екипи ја продолжуваат акцијата за потрага по исчезнатите.