Француската полиција уапси две лица, а трага по уште четворица, откако отвориле оган врз кафуле во градот Туркоан. Засега нема информации за повредени лица во инцидентот.

Напаѓачите, кои носеле црна облека, маски и оружје, го паркирале својот автомобил пред центар за социјални грижи, излегле од возилото, го преминале плоштадот и отвориле оган. По пукањето, се вратиле во автомобилот и заминале.


Две полициски патроли успеале да ги запрат. Непознатите мажи го оставиле автомобилот и се обиделе да избегаат. Еден од напаѓачите бил веднаш уапсен, а вториот се скрил во една куќа. Останатите четворица успеале да побегнат. Полицијата ја опколила куќата и два часа подоцна го уапсила и вториот напаѓач.

Во 2015 година истото кафуле било мета на сличен напад. Тогаш околу 20 маскирани лица влегле внатре и отвориле оган.